“Sera Konosi ku Interpark”

5039
SAMBIL—Den kuadro di e inaugurashon di INTERPARK na Korsou, e organisadornan a prepara pa Djadumingo proksimo, dia 16 di Juli un tremendo “Sera Konosi ku Interpark”. Esaki ta tuma luga di 06or pa 09or anochi riba tereno di Sambil.  E luga ideal pa un atrakshon familiar di e magnitut aki,.

Durante e atardi di Djadumingo dia 16 awo, tur hende por subi tereno di Sambil i mira tur e aparatonan di aserka i mira nan den akshon. Por presensia masha di aserka kon bunita e Parke a keda i ya tur hende por bai notando kual ta e atrakshonnan ku nan  lo kier drenta una bes ku e parke habrie su portanan.

INTERPARK ta ofrese atrakshonnan pa grandi i chiki i manera e organisadornan a bin ta bisa, esaki ta bira e Parke mas elektrisante ku a yega na bishita Korsou. Un variashon amplio di aparato pa grandi i chiki i  den nan, atrakshonnan Extremo. Tin atrakshonnan ku ta hiba’bo laira na un altura di 50 meter !!!!.

Djadumingo tambe, un i tur ku bishita e Parke INTERPARK por mira e lokual a bin ta bisa ya pa basta tempo ku ta bai tin un sorpresa masha masha agradabel !!!. Entrada pa Djadumingo awor na e Sera Konosi ku Interpark ta GRATIS.  Lo tin musika i e Bar I kushina bon surti.

Ta bon pa menshona ku Djadumingo awor  NO  POR  DRENTA  E  ATRAKSHONNAN !!!!!!!. ta simplemente un “Sera Konosi “ e atardi ta bai ta i NO ta paga pa drenta. INTERPARK ta habrie su porta-nan definitivamente Djamars dia 18 di Juli pa 06pm atardi pa publiko.

INTERPARK ta habrie di Djamars pa Djabierne di 06pm pa 11 pm.  Djasabra di 04pm pa 12pm i Djadumingo di 11am pa 11pm. Keda pendiente pasombra INTERPARK definitivamente ta bai ta e atrakshon familiar di mas impreshonante ku Korsou ta konose I hinter famia ta keda invita.

Refresko BUSTA ta invita’bo