UTS ta hasi entrega di outo na ganadó di Bai’e

1231
Willemstad 19 di yüli 2017 – Durante e último edishon di e gameshow Bai’e, un di e partisipantenan di UTS a resulta e ganadó apsoluto. Den un Sambil kargá ku bishitantenan ku a bin presensiá e tremendo gameshow, tur por a mira kon señor Michiel Mambi a start i gana e Kia Rio nobo nobo!

P’e edishon aki, UTS a skohe for di su propio empleadonan, 2 personanan pa partisipá, ya komo ku nan tambe ta kliente. Durante e temporada anterior, tambe suerte a toka un empleado di UTS. Pues nos por bisa ku empleadonan di UTS sigur tin e suerte i sa di Bai ku e outo durante di e gameshow aki.

No ta solamente empleadonan, pero klientenan di UTS tambe na vários okashon a bin ta gana outo i tambe plaka kèsh riba e wil durante edishonnan di Bai’e. Pues si abo no ta kliente ainda di UTS, no pèrdè tempu i pasa kualke UTS Store pa apliká pa kualke di nos servisionan i asina abo tambe, komo kliente, tin e chèns di ser selekshoná pa partisipá den Bai’e.

Riba e kompilashon di foto por mira e momentu ku e felís ganadó ta risibí e yabi di su outo.

Nos ta felisitá Michiel ku su tremendo premio.