Di 12, 10, 7 i 1 aña di edat:

Polisnan a apuntá ko’i tira riba muchanan den outo

25097
E kuater nietunan: For di djasabra nan ta ketu bai den un trauma. Esun yu di 7 aña mester hasta drumi ku lus sende.
WILLEMSTAD–Un famia a pasa den un eksperensia fuerte ku te awe tin nan afektá.  Ta asina ku nan a keda para pa polisnan ku segun nan no a tene kuenta ku tin muchanan den outo, siendo ku nunka nan a haña nan mes ku problema ku hustisia. Nos a kombersá ku Sra R. Jansen kende a mustra nos ku lokual ku nan a pasa dor d dje djasabra anochi tabata algu teribel.

El a mustra nos ku e huntu ku su yu,  4 nietunan di 12, 10, 7 y 1 aña huntu ku e suegro tabata bayendo kas despues di a sali for di  Sta Maria . Ta asina ku subiendo brùg na Seri Domi un outo di polis a pasa  nan duru. Loke nan por a tuma nota e momentu ei ku diripiente  e outo di polis a kuminsá kore poko poko. Na momentu ku nan tabata aserkando e outo di polis para meimei di kaya  a sende lus blou, esta sirena. Esaki a pone ku mas ku klaro ku nan tambe a para. Di ei nan a tuma nota kon dos polis a bula baha for di e outo ku arma dirigí riba nan. Segun e vershon di Sr R. Jansen ku esaki tabata e kaso hasta pa ku e muchanan tambe. El a sigui mustra Vigilante ku miéntras ku nan tabatin arma dirigí riba nan, nan tabata grita pa tur hende baha for di e outo.

Esaki a  trese kuné un situashon ku e muchanan a bira tur spanta.  Sra R. Jansen a  sigui mustra nos ku e ku ta haña hyperventilatie a bira malu te ku e no por a para riba su pianan. Mi yu ta bisando e polis ku tin mucha den outo. E ta respondé tur hende sali fo’i outo anto no bin hasi fresku mes, kohiendo mi yu su telefon selular benta riba dak di outo ku arma ketu bai den su man dilanti di e muchanan tur traumatisa, tabata e deklarashonnan di Sra R.  Jansen.  El a sigui bisa bisa nos si nos no ta haña ku lokual ku a sosodé ku esaki no ta mas bien abusu di poder.  El a  sigui bisa ku despues ora ku a puntra pa kiko mester a baha ku e arma dirigí riba nan e kontesta dje agente polisial tabata ku ta debí ku ta na Kòrsou nos ta.  E  aktuashon dje polisnan a laga tantu ami komo e mucha nan traumatisa ku asta spùit mi mester a spùit mi remedi.

Mi pregunta ta pa kiko tantu kos pa kiko aktua asina kaminda ta un outo di famia chikí nos tabata ta aden.  Nos a hasta bisa nan ku tin mucha chikí den outo.  E polis Sra  J.Graaf a keda ku arma dirigí i gritando baha fo’i e outo . Si ami a sintimi asina malu manera ta un ataka mi tabata haña di spantu un arma dirigí riba bo gritando y muchanan ta yora. Ami ta haña kansa mesora rosea a bai lagami. Mi yu mester a bin yudami spùit mesora. Unda mi por bai ku un kaso aki ? Mi ñetu di 7 aña ku tambe ta sufri di asma a keda spanta i ta yora kada bia ku e  kòrda kon riba nada un kos asina a pasa.  Asta miedu di polis el a haña. Ta ku lus sende e mester a drumi. mi ta sintimi malu te ainda ku gana di grita yora duru, pero mi ta hasi duru pa e muchanan no bira mas tristu.

E señora a sigui deklará mas aleu. Riba nos pregunta spesífiko si nan komo famia a yega di tabatin kontakto ku hustisia e kontesta tabata negativo. Tambe nos a puntr’é si nan por ta sospechoso den kualke kaso, el a mustra nos ku no. Ta dor di e faktornan mes nan no por komprondé dikon e aktuashon asina hostil di parti dje agentenan polisial.  Komo tal, nan kier aklarashon di parti Kuerpo Polisial. Si ta posibel mes nan kier diskulpa di parti kuerpo polisial. Hasta Sra R.  Jansen a bisa nos ku nan ta spera diskulpa di parti Minister di Hustisia ku ta responsabel pa Kuerpo Polisial.   Mi ke un hende bisa mi unda pa kana pa e kos aki yega na e orea nan konserní, tabata e palabranan final di Sra R.  Jansen.