Deskonosínan a pasa basha bala riba kas den Kura Piedra

122
Willemstad—Polisnan ta investigando un kaso unda a usa arma di kandela pa asina por a pasa i basha bala riba un kas den e bario di Kura Piedra.

Djaluna mardugá polis mester a bai na un kas den Kaminda Turkuas despues ku a pasa basha bala riba e kas. Segun e habitantenan nan a tende vários zonido di bala pa despues a tende impakto kontra di nan kas. Ora ku nan a Sali wak nan a tuma nota di buraku na e muraya di e kas. No ta konosí ta kua outo i tampoko te ainda ken a pasa basha bala riba e kas. Polisnan ku a bai na e kas a kuminsá hasi investigashon i tambe a pidi reshèrshinan di TFO pa asina kontinuá ku e investigashon.