Según Jules Eisden:

E último akto koruptivo. di nos polítikonan ta violashon  artíkulo 73 di Nashonnan Uni

63
Jules Eisden: Den e simposio organisá pa KFO djaluna algun orador a para ketu na hustamente artíkulo 73 di Nashonnan Uni ku e eks minister ta poniendo énfasis awor riba dje.
WILLEMSTAD—Den nos edishon di djaluna nos a mustra riba e echo ku a parti un komu7nikado di Sr Jules Eisden na 2.  Ta asina ku Sr Jules Eisden a duna di konosé ku na Sèptèmber 1955, Hulanda a bolbe forma un delegashon i e biaha aki e la pone nos minister Presidènt na kabes, komo si fuera ta Antia ta forsa bara.

Nos Minister Presidènt, defuntu sr. Efraim Jonckheer a aseptá i nan a bai Nashonnan Uni, pa di dos biaha. Inkreibel, pero bèrdat ta ku nos Gobièrnu di e tempu ei a presta su mes pa yuda Hulanda kita e Rapportageplcht i kita e protekshon ankra den Statüt pa nos, lesa Antia. Meskos a sosodé i mayoria di miembronan di Nashonnan Uni a bandoná e reunion ei i ku e mitar ku a keda atras, e Rapportageplicht a ser kita ku 21 voto pro i 33 miembro di Nashonnan Uni, a apstené nan mes di vota. Ata aki lokual sr. E. Jonckheer, nos Minister Presidènt a deklará den e reunion ei di Nashonnan Uni: Nos ta sit’é na Hulandes; ” Wij ziijn een vrij en Autonoom volk en onze handen zijn niet langer aan het Kolonialisme gebonden. De Antillen wensen zich niet van Nederland af te scheiden om een onafhankelijk staat te vormen. Tijdens die vergadering van de Beheersschapscommissie van de V.N. van 26 november1955 verklaarde premier Jonckheer ook dat de deelgenoten volledig vrij zijn hun binnenlandse aangelegenheden nnar eigen inzcht te regelen, het besteste bewijs is van hun onafhankelijkheid en enz.”

Dit is de reinste kolder, ki dia SHON Jonckheer a tene un referèndem pa e Pueblo Antiano papia? Esaki a sosodé di 26 di Novèmber 1955 i dia 16 di Desèmber 1955, e reunion General di Nashonnan Uni a tuma e desishon i AYOOOOO rapportageplicht. Pa boso purba di komprondé, nos ta sita e FUENTE den kual ku esaki ta skibi, ” E ta skibi den e buki ”Politieke Geschiedenis van de Nederlandse Antillen”, skibi, pa awó def., Mr. Drs Alex Reinders” ku ta bon konosí na nos Universidat di Kòrsou. Sra. Minister sa esaki. E la pidi Estadistikanan, Huristanan konseho, promé e kometé e vuax-pas aki  Ta un kasualidat ku sr. Mickael Gorsira pia di Brùg Juliana a baha riba nan terenonan na Otrabanda i e otro pia di e Brùg ta kai na Skalo, Fleur di Mari i ta propiedat di famia Haseth Jonckheer. E terenonan na Otrabanda ta propiedat di famia Gorsira ku a bai den e promé delegashon Hulandes ku a bai N.U. i e di dos delegashon semi Hulandes, enkabesá pa sr. def. Efraim Jonckheer, tambe ta doño propiedat Fleur de Mari ku ta di famianan Haseth/Jonckheer nan. Tur dos a bende e terenonan ei pa hopi plaka ku Hulanda pa realisá e brùg Juliana. Por sierto un di e último pida di Fleur de Mari a ser kumpra i atendé pa sr. Eks-sekretario di Banko Sentral sr. Mr.Stanley Betrian i nos Banko Sentral entre tantu a traha nan edifisio ei nan. Ki kasualidat!!! E FUENTE TA: Registronan di Kadaster i e projektdossier!.  Un otro vaux-pas i akto koruptivo. ta, ora na ku nos polítikonan a violá ERNA i delegá tur poder ku ta ankra den art. 57 di ERNA pa Bestuurscollege, sakando asina oposishon afó i siensia nan, pasombra tur desishon a kai den Bestuurscollege di 11. Tristu, pero bèrdat.  E lastu akto koruptivo. di nos polítiko ta e hecho ku na 2009 polítikonan anti Kòrsou a violá un Handvest di Nashonnan Uni den artíkulo 73 di e Handvest, kaminda Nashonnan Uni ta pone e Kolonisador responsabel i obligá nan pa desaroyá e Kolonia pa bai para riba su PIA un Dia. Esaki no ta nada otro ku nan ta obligá di duna e kolonia ONTWIKKELINGSHULP. Sin bai Nashonnan Uni, partido PAR i consuis a violá otro protekshon sin envolví Nashonnan Uni. Esaki nan a hasié pa un saku di plaka (5.2 miyar) i Hulanda ta stòp Ontwikelingshulp. Pero fia nos ku interes abou. Nos polítikonan ta traha ku telram, pero esnan Hulandes ta ku kòmpiuter nan ta hasi nan kalkulo! Nan a regalá Hulanda e Rapportageplicht i awó nan a regalá Hulanda Ontwikkelingshulp ku ta ankra den un Resolushon i awó nos tin ku bai serka SHON FIA. Tristu.  Nos ta rekomendá nos polítikonan pa Lesa entre otro e buki di Sr. Peter Ferton.  E komunikadonan aki ta pa yuda nos muchanan ora ku nan ta bai traha e maldito òpstèl ku lo bira afstel i despues uitstel Ta p’esei Nashonnan Uni a pone nos bek riba lista di Paisnan ku ta Kolonia ainda.  Danki pa e oportunidat i nos ta spera ku nan ta wòrdu publiká sin miedu i bin ku prueba ku no ta asina a manipulá ku nos