Grupo di hòmber ku ta kómplise den kaso di skimming arestá

2675
E dos sospechosonan ku a keda arestá den e kamber na e hotèl.
Willemstad— Un bon trabou di Polisnan a pone ku a logra di arestá mas persona ku ta wòrdu sospecha di ta envolví den kasonan di skimming riba nos Pais.Djaluna a logra di arestá un hòmber di nashonalidat Franses kual tabata hasi su mes kulpabel na kasonan di Skimming. Den su poseshon a bin hañ’é ku basta karchi i tambe montante grandi di plaka. Despues di su detenshon a bin haña sa unda e tabata hospedá kual tabata den e hotèl riba kaminda pa bai Hato.

Mesora a sigui ku mas investigashon i tabata ayera den oranan di mainta a bin tuma nota kon tres tipo a kore yega den un vehíkulo na e hotèl di kual dos a baha bai den e kamber. Mesora Polis a drenta akshon na unda a bai den e kamber i einan a bin topa ku dos hòmber di desendensia Franses kual a splika ku nan a bin buska pertinensha di un amigu di nan ku nan no sa su paradero. Den nan poseshon a bin topa ku karchinan di banko i tambe plaka efektivo. Mesora tur dos a keda arestá pa kómplise den e kaso di skimming i tambe harvesting. Pafó a bai serka esun ku a keda na e outo kual a splika ku e la djis bin baha e dos hòmbernan na e sitio pa asina nan por a kue paña di nan amigu i ku e no sa di nada. Polis a bai warda kuné tambe miéntras a konfiská su vehíkulo.