Segun direktor Chen Bingyan:

Guandong Zhenrong tin bon intenshon pa Kòrsou

1169
WILLEMSTAD—For di komienso di aña nos a trese pa dilanti ku nos ta bai sera 2017 i habri 2018 tratando e tema di Guandong Zhenrong.  Ta asina ku lo a sali na kla ku un dochter maatschappij di Guandong Zhenrongf ku sierto probvlemanan te ku Gobièrnu di Kòrsou a disidí na hasi su propio investigashon. Hasta ta asina ku promé minister Sr Eugenne Rhugenaath a pidi Guandong Zhenrong klaridat di lokenan ta biniendo pa dilanti.  Guandong Zhenrong a sali pa dilanti i bisa ku lokualnan ku ta ser plama no ta kuadra ku bèrdat.

Nan a mustra riba e echo ku djaluna mainta tabata kore e notisia ku tabata quote un statement hasi pa Titan Petrochemicals ku Korte Supremo di Hong Kong a likidá Guandong Zhenrong.   Sr Chen Bingyan a bin pa dilanti na nòmber di Guandong Zhenrong pa refutá poko notisia negativo ku ta plamando.  Basa riba 2 punto Guandong Zhenrong kier mustra ku e notisia aki no ta basa riba bèrdat. Nan ta mustra riba e echo ku primeramente nunka nan no a risibí niun òrdu asina di Korte Superior di Hong Kong. E di 2 punto ku nan ta basa mes riba dje ta ku Korte Superior di Honk Kong no por tin e hurisdikshon aki debí ku Guandong Zhenrong ta un kompania ku ta pertenesé na gobièrnu chines.

Basa riba e faktornan aki nan a duna di konosé ku e notisia aki no tin pia pa para riba dje i ku den kuadro di esaki nan a manda un karta tambe pa MDPT fecha 29 di sèptèmber 2017 pa klarifiká e asuntu. Nan a sigui duna di konosé ku nan ta respetá libertat di prensa, pero nan kier pa gobièrnu i su representantenan proveé tambe oportunidat i ambiente hustu usando huisio lógika pa protehé e dignidat i derechi di  un  invershonista di influensia manera ta e kaso ku Guandong Zhenrong.   Nan a sigui mustra riba e echo ku nan intenshonnan tabata i ta sinsero. Guandong Zhenrong a mustra riba e echo  ku nan ta invertiendo biónes di dòler na Kòrsou sin garantia di banko ni di gobièrnu  kua ta algu sin presedente hasta pa loke ta e teritorio hulandes.

Ta asina ku nan ta habri pa tur investigashon i preguntanan nan, pero ta di opinion si ku e intenshon  mester ta honesto. Sinsero i di kurason pa benefisio dje poblashon di Kòrsou i su futuro.  Nan a mustra riba e echo ku tin notisianan finansiero negativo di Guandong Zhenrong riba websitenan ku ta regarda e sanshon imponé pa Merka di 2012 pa 2016 desde ku nan tabata traha na Iran.  Segun  Guandong Zhenrong ta asina ku gobièrnu chines ta trahando riba e ahustenan aki i ku nan ta sigur di lo sali for di esaki, paso pa 100% nan ta kompartí e partinan malu i bon ku nan.