Hòmber ku a lanta kontra polis durante ponementu di fever arestá

92
Willemstad— Polis a detené un hòmber kual a lanta kontra di outoridat na momento ku nan a bai pa atendé ku un shofùr ku tabata poniendo fever ku su vehíkulo.

Ayera mainta un patruya di Polis ku tabata koriendo riba e kaminda pa bai Hato na altura di e bario di Seru di Kandela a tuma nota di un vehíkulo ku tabata poniendo fever. Mesora a logra di blòkia e vehíkulo pa asina por a bai atendé riba su komportashon. Na momento ku polis tabata atendiendo e shofùr un hòmber ku no tabata di akuerdo ku e aktuashon di e polisnan a kuminsá ta komportá su mes bastante malu i asta a usa palabranan grosero kontra di e polisnan. No a keda e polisnan nada mas di detené e hòmber aki pa asina por a kaba di atendé ku e shofùr ku tabata poniendo fever.