Un biaha mas den Pietermaai

Intento pa hòrta outo bai kuné

1161
Lugá pa stashoná outo den Pietermaai unda a trata di bai ku e vehíkulo den oranan di mardugá.
Willemstad— Polis mester a bai na un lugá pa stashoná outo den Pietermaai pa un kaso di intento di ladronisia i tambe destrukshon na un vehíkulo.

Tabata djamars mardugá ku polis a haña e informashon ku deskonosínan a trata di hòrta un vehíkulo ku tabata stashoná riba e sitio pa stashoná outo na Pietermaai. Einan polis a bin topa ku e vehíkulo o por a tuma nota ku ya a kuminsá destruí e parti di suich pa asina por a start e vehíkulo pero esaki a keda na un intento. Ya ta na vários okashon polis mester a bai den e aria pa asina hasi investigashon na vehíkulonan ku a ser kibra pa hòrta den dje òf ku e intenshon pa bai kuné.