Resitensha na WTC i bailamentu na Handelskade

Kòrsou ta sigui dividi riba 10-10-10

51
NÒ: sala na WTC bastante bon bishita.
 Punda– Pais Kòrsou ta sigui mesun dividí. For di 10-10-10 despues di e Leinan di Konsenso pa introdusi e struktura estatal nobo, nada no a kambia den e divishon di e sosiedat.

 

Esaki por a konklui despues di a kompará dos aktividat riba 9 di oktober. Na WTC e organisashon KFO (Kòrsou Fuerte i Outonómo) a tene nan kongreso “Resistensha” . E aktividat ku a protesta kontra introdukshon di e Leinan di Konsenso tabata bon bishitá ku riba 700 partisipante. Na mesun momento den Forti, den un aktividat ofishal sin kasi NIUN publiko, gobièrnu di Kòrsou a tene un brindis seremonial  unda por a mira solamente ministernan i gobernadó. Pero mas lat anochi, riba Handelskade, suidadonan kende kier a selebrá, tabata bon bishitá ku kasi mesun kantidat di esnan na WTC.

 

Esaki ta un indikashon ku despues di 10-10-10, ainda Kòrsou ta den un situashon dividí. Durante e Kongreso di KFO e punto aki tambe a bini dilanti unda oradornan a mustra foi nan punto di bista ku no tabatin nada di selebra ayera. Kòrsou na e momentonan aki ta dividí riba tereno ideologiko pero tambe geografiko, unda gran parti pabou di brùg no ta di akuerdo ku e konstitushon dominá pa Ulanda mientras pariba di brùg si a mustra djaluna anochi ultimo, ku nan tin tur rason pa selebrá..