Warda kosta ta interseptá kargamentu di droga

1291
Willemstad—- Djaluna den oranan di anochi warda kosta  a logra di interseptá un kargamentu di droga riba un boto ku a bini for di Venezuela. Durante di e akshon aki a logra di arestá seis sospechoso.

Tabata e radar di Rescue and Coordination Center di warda kosta Caribe a logra di detektá den oranan di anochi un boto nabegando di un forma sospechoso  na e parti sur di St Mari. Mesora warda kosta a lansa un di e botonan super rhib den e direkshon indiká. Na momento ku e tripulantenan di e boto sospechoso a tuma nota di e super rhib nan a kuminsá ta tira  dos bulto den laman pero esakinan mesora a ser saka for di laman pa e personal di warda kosta.

A logra di konfiská e boto tipo yola i a transportá esaki pa e pir na Parera na e stashon di Warda Kosta. Den e dos bultonan tabatin kuater pakete kual probablemente tabata kontené droga. Tur e seis tripulantenan di nashonalidat Venezolano a keda detené i e droga konfiská a wòrdu entrega na Polis.