Bati Kibra di 2 aña konsekutivo kampion den dart

Den kompetensia nashonal di 10 ekipo

91
Miembronan di Bati Kibra i nan premio.
WILLEMSTAD—E ekipo di ‘Bati Kibra’, a logra e titulo máksimo den e deporte di Dart riba nos isla. Esaki na momentu ku nan a logra e titulo máksimo pa di 2 aña konsekutivo.

Ta trata aki di kompetensia ku a mira akshon na diferente sitio riba nos isla, speshalmente den Cafenan. Entre otro Cafe Mahaai, Old Dutch, De Tijd, Cafe 27 i tambe Sun Caribe, tabata sitionan unda 10 diferente ekipo a kompetí, unda tabata e ekipo ku mas punto, ku a resultá esun kampion.

Na segundo puesto a keda e ekipo di ‘De Tijd’, miéntras ku ‘Rèspèt’ a keda na di 3 lugá, den e evento aki. ‘Bati Kibra’, ku ta e kampionnan, ta konta ku e hungadónan Vaynrich Henriquez, Shervan Scharbaai, Anwell Medina i Yasir Hyman, konosí tambe den e deporte di futbòl lokal. Deporte Vigilante ta felisitá e ekipo, ku nan logro.