Jean Julien Rojer i Horia Tecau eliminá den Australian Open 2018

Pèrdiendo kontra un duo oustraliano

143
Jean Julien Rojer i Horia Tecau.
OUSTRALIA—Jean-Julien Rojer i su duo Horia Tecau, no a logra pa alkansá e terser buèlta di e kompetensia internashonal di tènis, Australian Open 2018.

Esaki den wega di djasabra último, na momentu ku nan a enfrenta e duo oustraliano Sam Groth i Lleyton Hewitt. Un ke otro den enkuentro ku a finalisá ku skor di 6-7 (2) 6-4, 5-7.

E duo formá pa Rojer i Tecau a logra e titulo di e US Open 2017, unda tabata nan segundo grandslam ku nan a logra, despues ku na aña 2015, tambe nan a gana Wimbledon.

Aña pasá den Australian Open nan a alkansá kuartfinal, pero awor ta wòrdu eliminá den nan intento pa alkansá terser buèlta, na Melbourne.