Knops: Supervishon Statia nesesario

121
sekretario estado Knops ta papia di negligensia enorme riba Statia
DEN HAAG—Sekretario di estado Raymond Knops (Relashonnan di Reino) no por kon largu e supervishon lo dura riba Statia.

El a entregá un proposishon di lei pa intervení riba e isla. Knops ta bisa ku e intervenshon ta mes kortiku posibel i mes largu ku ta nesesario. E durashon ta dependé kon lihe por mira avanse. E proposishon ta hasi posibel pa disolve konseho insular i retira e diputadonan ku gezaghebber interino, segun ministerio di Asuntunan Interno. Un mayoria di Kamer ta sostené intervenshon di e sekretario di estado. E akshon ta sigui un rapòrt di komishon di sabionan ku a konstat un negligensia enorme di tarea riba e isla di Sint Eustatius. Esaki lo ta bai a kosto di siudadanonan i kompanianan riba e isla. E sekretario di estado kier tuma medidanan mas lihe posibel. E ta papia di mehoransa di infrastruktura i bienestar asina habitantenan por tin e sentido di trato igual i pone orden den maneho finansiero. Knops ta enfatisá ku ta trata di un intervenshon fuerte pero nesesario. Mandatarionan no ta tene nan mes na lei. Knops ta mustra ku asuntunan sosial i infrastruktura ta asina mal regla ku tin pobresa i no ta pone kayanan nobo. Pechtold, presidente di komishon relashonnan Reino di Tweede Kamer, a bisa ku lamentablemente e medida ta inevitabel. Na Statia mes a reakshoná ku asombro i malkontentu. Segun diputado Simmons Hulanda ta pest nan. Simmons i otr miembronan di konseho insular a keda konfrontá ku e medida sin konsulta previo. Segun nan Hulanda ta violando reglanan internashonal. Pa esaki nan kier aserka Nashonnan Uni.