Skalo– Ayera atardi, den bario di Skalo, tres lider di frakshon a reuní ku kònsul di Venezuela. E reunion a tuma lugá den konsulado di e pais venezolano.

 

Presente durante e reunion tabata lidernan di frakshon, Gerrit Schotte di MFK, Marylin Moses di Movementu Progresivo i miembro di Parlamento di Pueblo Soberano, Haime Cordoba. E reunion ku mester a tuma lugá den sekreto, tòg a logra plama lokual a indusi MFK di emiti un komunikado via nan ret sosial”

 “Awe atardi t

Sali: momento e tres frakshonnan den oposishon a sali for di reunion ku e kònsul venezolano.

rempan lidernan di frakshon nan den Parlamento MP, PS i MFK a bishita Consul General di Venezuela pa papia over di e situashon tenso entre Venezuela i Kòrsou. Esaki mirando ku nos no tin nada na palabranan di promé minister i lokual e ta bisa den ruedanan di prensa i den reunion nan públiko di Staten. Pa e motibu aki lidernan di frakshon den Parlamento a buska kontakto direkto pa wòrdu buta na altura di e desaroyonan. Indikashon nan ta ku ta spera ku pronto tin un solushon, Gobernador di Estado Falcon tambe ta un motor tras di un pronto solushon na e kanalnan komersial entre e dos paisnan. Posishon di e frakshonnan a wòrdu entregá den un karta ofishal na Consul General pa esaki yega atraves di “valija diplomatica” pa Gobièrnu di Venezuela”.

 

Asina pues tabata MFK kual partido finalmente a emití informashon unda por konkluí ku e reunion di ayera tabata un intento pa mantené e “solidaridat” entre Kòrsou i Venezuela.