Pa Radio Live 99 FM

Rei di Tumba Urvin Jano Ike Jesurun i Elia Isenia na Boneiru mañan

113
E ta na Boneiru mañan

WILLEMSTAD,—-Mañan lo bai tei na Boneiru nos Rei di Tumba 2018 Urvin “Luwi” Jano kaminda ku e lo bai ta den e marcha di Tiner Parade. Pero no ta Luwi Jano so lo bai ta riba e lugá. Tambe lo bai tei e tres biaha Rei di Tumba Ike Jesurun i e tres biaha Reina di Tumba Doña Elia Isenia.

Nan tur tres ta lo bai presentá den eTiner Parade na Boneiru, esaki sigur ta un regalo di parti radio emisora Live 99 F.M.  E aña aki lo bai tin un total di 5 grupo di hóben ku ta bai marcha den kaya na Boneiru , i tantu Luwi Jano, Ike Jesurun i Dona Elia Isenia lo bai ta den e lastu grupo.

E tres Tumberonan ta bai ser kompaña pa un agrupashon musikal ku ta forma pa músiko nan Boneriano. Esaki ta nifiká ku nos Rei di Tumba no ta na Kòrsou mañan, esaki ta debí na e kompromiso ku e tin na Boneiru riba e dia di mañan.

Loke ku ‘E Mulina’, a saka afó ta ku pa promé biaha den historia ku lo bai tin 4 Rei di Tumba i 1 Reina di Tumba na Boneiru, nunka promé esaki no a yega di sosodé. E Rei nan ta Amos Balentin, Djuric Virginie, Ike Jesurun i Luwi Jano anto Doña Elia Isenia ku ta e tres biaha Reina di Tumba. Pues nan 5 lo bai ta den kaya riba e lugá.