Heintje Kool– For di 33 aña pasá ku Raul Vieira a lanta su mes empresa Vieira Equipment, esaki a konosé un transformashon inmenso. Aktualmente e kompania tin 55 empleado.

 

Na 2009 a invertí 6 mion florin riba propio forsa den e planta di betòn. Despues a hinka 20 mion mas, den un kombinashon di kapital propio i e mayoria finansiá pa Banko Maduro, pa e fábrika di blòki. Tur esaki tin komo meta pa Heavy Mix sigui drecha kalidat di su servisio i produktonan i aplikando e último inovashonnan, loke ta benefisiá su klientela kresiente. Den e mesun lus mester mira kon nan ta preparando un pida tereno mas patras di e aktual kompleho pa sigui ekspandé e aktividatnan di e empresa pa un planta di betòn nobo, mas grandi.

Sofestiká: splikando e sistema outomatisá

For di profundo di nan kurason i ku un mente konstruktivo a boga si pa nos gobernantenan dediká mas atenshon na eliminá e fenómeno di red tape den e prosesonan gubernamental. Segun gerensia di Heavy Mix, loke awor aki mas tin e desaroyo ekonómiko wantá ta e burokrasia den e aparato gubernamental. Esei nan sa a base di nan mes eksperiensia. Si logra redusí e opstákulo aki, empresanan lokal i di eksterior lo por realisá nan proyektonan di un forma muchu mas efisiente di moda ku mas hende por haña trabou i un entrada pa sostené nan famia.

 

Desidido

Minister Martina di desaroyo ekonómiko (MEO) a bisa ku por siña lès for di e storia di señor Vieira: realisá plannen ku perseveransia, hopi pasenshi pero alabes desidido, tambe ora tin kontratiempu. Aparte di por a tira un bista den e planta kaminda ta traha blòki i klenku, riba pantaya grandi tabata mustra imágennan di desaroyo di e kompania den transkurso di mas ku tres dékada. Tabatin kos di bebe i pasapalu i músika di e pianista Gino Coelho i e trompetista Igort Rivas.