Un airu fresku

Roderick “Vader” Volk komo presidente di hurado Kantadó Mayó 2018

222
E ta e presidente nobo di Kantadó Mayó 2018.

WILLEMSTAD,—-E aña aki den festival Kantadó Mayó 2018 ta bai tin un kambio pa loke ta trata kuerpo di hurado pa ta mas eksakto presidente di hurado. Di informashon ku ‘E Mulina’, tin ta indiká ku e talentoso músiko Roderick “Vader” Volk lo bai ta e presidente di hurado pa Kantadó Mayó 2018 ku lo bai tuma lugá 6,7,8 i final ta 10 di mart próksimo.

E festival ta bai tuma lugá den Klup di Shell. Aña pasa esaki a tuma lugá den Curaçao Festival Center, pero e aña aki e organisashon a tuma e desishon pa skohe pa manda e festival bèk na kas kaminda ku tur kos a kuminsá algun aña tras di lomba. Ku presensia di  e gran músiko “Vader Volk” komo presidente di hurado esaki sin duda ta bai trese un airu nobo den e festival, ku ta kuminsá aki 3 siman na e sitio ariba menshoná.

Pues e aña aki Kantadó Mayó ta bai konosé un airu fresku. Kaminda ku “Vader Volk” lo bai ta e presidente di hurando nobo, esaki ta nifiká ku e aña aki lo bai tin un desaroyo nobo pa loke ta trata Fundashon Seú Kòrsou i nan ta bai bin ku hopi mas kambio positivo.