Ta mirabu kla kla ta tira e víktima den pia

Abo ku a tira dilanti Spoonz bai entrega bo mes paso kámara a grababo

13260
Área di Saliña unda e kaso di tiramentu pa loko i fatal a tuma lugá.
Willemstad—– Polis ta buskando dos hòmber mas ku ta envolví den e kaso di bashamentu di bala den Saliña na unda un hòmber a bin pèrdè su bida miéntras e otro a resultá herida na pia.

 Den mardugá di 25 di yanüari 2018 a tuma lugá un tiroteo den e área direkto di diskoteka Spoonz den Saliña. Sinku persona tabata presente pará òf a tira ku arma di kandela. Un sospechoso, Jeangianno Jonathan Alejandro Zimmerman (1994), a muri a konsekuensia di e tiroteo.

Dos sospechoso mientrastantu a keda detené. Nan ta e hòmbernan C.M.B. i D.E.S. A detené C.M.B. dia 24 di yanüari 2018, miéntras ku D.E.S. a keda detené 29 di yanüari 2018.

Ta buska ainda dos hòmber ku a tira ku arma di kandela. Di e personanan aki tin pòrtrèt hopi bon disponibel di kámara di vigilansia disponibel. Polis ta den e proseso pa bai publiká pòrtrèt di nan dos, pa di e forma ei pidi públiko yudansa tokante nan persona i tokante nan adrès.

Ta supliká i ta konsehá e dos sospechosonan aki urgentemente pa mèldu denter di tres (3) dia na polis.

Un persona ku ta hasi su mes kulpabel na skonde nan persona pa polis, ta hasi su mes kulpabel na un hecho kastigabel i ta kore e riesgo pa tambe wòrdu detené.