Hòmber ku agredí komersiante chines arestá

3517
Willemstad— Un hòmber ku tabata un poko bebe ku a hasi su mes kulpabel na un kaso di maltrato a keda arestá.

Polis a keda pidi pa presentá ku urgensia na New Cathy Minimarket  na Kanga pa un kaso di maltrato. Einan polis a bin topa ku e víktima kual ta e komersiante chines kual a splika ku un kliente pa basta ratu tabata kumpra ko’i bebe den e kaso aki di alkohòl i tabata konsumí esaki. Dado momento e kliente a kuminsá diskutí ku e chines komersiante pa na final a agredié. Polis a hasi e demas investigashon na e sitio pa despues a detené e agresor i a bai warda kuné pa  e kaso di maltrato. A splik’é e chines pa bai dòkter pa despues pasa na warda i entrega su denunsia di maltrato.