Kolegio Supervishon Finansiero a finalisá nan bishita na St. Maarten

86
Kolegio: e kolegio bou di mando di gòbièrnu ulandes. 
Philipsburg – Di 5 pa 9 di febrüari Kolegio di supervishon finansiero Kòrsou i Sint Maarten (Cft) a bishitá Isla’Riba, entre otro Sint Maarten. E tópikonan prinsipal di kòmbersashon na Sint Maarten tabata e défisitnan premirá, e situashon di likides prekario i e estado débil di e maneho finansiero.

Presidente di Cft Raymond Gradus: “Ounke no por evitá un défisit, Sint Maarten lo mester limitá sí e défisit premirá di 2018 te un mínimo”. Miéntras ku ta rekonstruí Sint Maarten i ta pone e ekonomia bèk riba pia, gobièrnu lo mester mehorá e maneho finansiero i solushoná e problemanan kontínuo di IT tambe.

 

Durante di su bishita Cft a hiba kòmbersashon ku Gobernador, Konseho di Minister i e komishon finansiero di Parlamento. Cft a keda impresoná ku e kapasidat di rekuperá ku e komunidat di Sint Maarten a desplegá den e último luna. Presidente di Cft Gradus: “Ounke Sint Maarten a demonstrá di por bai para bèk riba pia, ainda e tin hopi reto riba su kaminda”, ku kual e ta referí na e posishon ekonómiko i finansiero delikado di Sint Maarten. Manera ta kustumber, Cft a bishitá tambe minister di Finansa Ferrier pa papia tokante di e finansa públiko. Durante di e diferente reunionnan e enfoke tabata prinsipalmente riba e défisitnan di 2017 i 2018 i e posishon di likides. Cft a ekspresá ademas su preokupashon ku e estado di e maneho finansiero kual no ta mehorando, i e problemanan kontínuo di IT ku ta forma un hèndikèp pa tantu gobièrnu i parlamento den ehekushon di nan tareanan. Cft a bishitá tambe e Sint Maarten Medical Centre i e haf, i a papia ku representantenan di e aeropuerto i e tim di rekonstrukshon pa Sint Maarten.