Na Sint Eustatius:

A pidi pa ekspulsá Hulanda for di Nashonnan Uni

7291

WILLEMSTAD—Lokual ku ta tumando lugá na Sint Eustatius ta sigui ta al órden di dia. Manera ta konosí Hulanda a pone Gobiernu di Sint Eustatius un banda, pero e dirigentenan [polítiko no ta sintando man krusa. Aparte dje echo ku nan a pone komunidat internashonal na altura di lokual ku ta pasando, mester bisa ku nos a risibí informashon ku Sint Eustatius a dal un stap mas aleu. Ta asina ku nos a keda informá ku Sint Eustatius pa medio di nan dirigent4nan a manda un karta pa Nashonnan Uni den kua nan ta pidi e instansia aki pa nan ekspulsá Hulanda. Ta asina ku nan a pone Nashonnan Uni na altura di lokual ku nan ta hasiendo i mester bisa ku nan ta kla pa bai te lo mas ekstremo pa defendé nan kousa. Na momentu ku nos a risibí e informashon nos a drenta den kontakto ku Sr Clyde van Putten kende a konfirmá na nos ku enbèrdat ta asina ku nan pidi nashonnan uni pa ekspulsá Hulanda. Di forma kategóriko nan no kier aseptá loke ku Hulanda a hasi ku nan. Sr Clyde van Putten a indiká na Vigilante ku nan lo lucha i sua tur arma na nan alkanse pa sali pa dignidat dje pueblo di Sint Eustatius.