Ulanda tei pone medida pa St. Maarten

2353

Philipsburg– Pa loke ta trata e défisit di St. Maarten durante 2017, Cft a indiká ku toma di desishon adishonal di parti di Konseho di Minister di Reino (RMR) ta nesesario, di moda ku e presupuesto por kumpli ku e Lei di Reino di supervishon finansiero (Rft). Esaki tei nifiká medida sigur pa esnan di Isla Ariba

 

E konsepto di presupuesto di 2018, ku resientemente a keda entregá na Cft, ta bai bira un reto grandi pa Sint Maarten. E défisit presentá ta konsiderabel i e manera ku ta supstansiá e sifranan na e momento aki ta insufisiente. Presidente di Cft Gradus: “Cft ta konsiente di e sirkumstansianan difísil ku Sint Maarten ta aden. Sinembargo Cft no por duna konseho na un manera responsabel riba un presupuesto ku no ta supstansiá”. Cft a indiká esaki tambe den su konseho riba e konsepto di presupuesto, kual el a manda pa minister di Finansa riba 8 di febrüari. Ounke Sint Maarten probablemente mester di yudansa di Hulanda ku su presupuesto di 2018, ta di importansia tambe pa mira kua medida Sint Maarten mes por tuma pa redusii e défisit presentá. E medidanan aki ainda no a keda reflehá den e presupuesto. Raymond Gradus: “Ta importante pa Sint Maarten mustra ku en berdat medida faktibel i rasonabel pa redusí e défisit, por keda menshoná den e konsepto di resupuesto di 2018, asta bou di e sirkumstansianan difísil aki.

 

Mas aleu a ekspresá preokupashon tambe tokante di e posishon di likides di Sint Maarten. Sint Maarten a deklará na diferente okashon ku pronto tur plaka lo kaba i ku e nesesidat di èkstra likides ta eminente. Sekretario di Estado di Asuntunan di Reino a presentá un proposishon pa èkstra likides. Entre otro Cft, gobièrnu i parlamento mester tuma algun paso formal ainda pa realisá esaki.

 

Cft ta enfatisá tambe kon importante ta pa drecha e ekonomia atrobe. E Fondo di Rekonstrukshon di EUR 550 mion lo hunga un ròl importante den e proseso pa start ekonomia di nobo. Un boost di aktividat ekonómiko por tin un efekto positivo riba e finansa públiko i e défisit premirá. Cft a partisipá na e reunionnan intensivo entre gobièrnu, IMF i World Bank e siman aki. E deliberashonnan konstruktivo lo sostené e progreso i koperashon den e proseso pa yega na e rekonstrukshon.