Den kaso di hobensita di 13 aña ku a haña bala na kabes

Wes komisario a prolongá detenshon di e dos menornan di edat arestá

251
Willemstad—Ayera , djabièrnè 9 di febrüari 2018, a presentá dos (2) hóben dilanti Wes-komisario (RC). Ta trata di R.R.E. (Kòrsou, 13 aña) i S.J.J.W.M. (Kòrsou, 15 aña).

Nan ta ser sospechá di ta envolví den e kaso di tiramentu djasabra 3 di febrüari den bario di Brievengat i na unda un mucha muhé di 13 aña a resultá herida na kabes pa un tiru for di un arma di kandela.

Wes-komisario a husga e detenshon miéntras ku Fiskal di Ministerio Públiko (OM) a ordená seguidamente nan prolongashon enkarselashon preventivo (verlenging inverzekeringstelling) ku 8 dia. E kaso ta ketu bai den investigashon.