Un palo di awasero a laga Pos Chikito bou awa

89
ORANJESTAD,–: E no tabata custumber cu mas area tabata yena cu awa den Pos Chikito. Berdad tabata tin cierto caminda cu tabata tin acumulacion di awa den pasado ora e awasero cay pisa.

Den weekend constant awasero tabata cay durante dia. Solo ta sali y despues atrobe awa ta cay. Riba weather channel a mira cu tin basta awasero na caminda merdia parti pariba di Aruba. E nubia yena cu awa a pasa y esey a causa cierto inundacion cu a pone habitanenan di Pos Chikito bati alarma. E proyecto di Green Corridor ta bunita segun habitantenan pero no por sconde e problema cu el a trece den algun parti ora awa basha na cantidad. Algun tempo pasa caba el a pasa y DOW a reacciona mesora y cu pomp a logra manda awa lama. Den algun ora e situacion tabata bou control mientras cu antes e tabata dura dos of tres dia. Ta spera cu ora awa cay e no basha na cantidad grandi pa evita situacionnan asina.