Jean Julien Rojer ta kompartí ku hóbennan di Dubai

‘Jean Julien Rojer Horia Tecau kids day’

116
Jean Julien Rojer i Horia Tecau ta kompartí ku hóbennan di Dubai.
DUBAI – E organisadónan di e torneo di tènis ATP Dubai a organisá un asina yama ‘Jean Julien Rojer Horia Tecau kids day’, unda nan a invitá e duo tenista pa kompartí ku algun hóben di Dubai riba e kancha di tènis.

Tabata un dia promé ku e enkuentro programá pa e duo den e torneo di tènis ATP Dubai, ku nan a kompartí un ora largu ku un kantidat di hóben i a siña esakinan diferente téknika i abilidatnan di tènis. E duo por a kombersá i duna diferente tep balioso pa e hóbennan aki ku kisas mañan tambe lo por bira tenistanan profeshonal.