ORANJESTAD(AAN): E siman aki Departamento di Salud Publico, lo cera luna di Februari cu e ultimo topico di cancer. Segun Jurette Croes, di e departamento di comunicacion y informacion, dia 4 di Februari tabata dia mundial di Cancer y pa e motibo aki cu Departamento di Salud Publico, hunto cu diferente partner y profesional, a papia riba diferente malesa di Cancer. Entre otro a papia di e malesa di Cancer di Pecho, Cancer di tripa, Cancer na boca di matris y e siman aki lo bay enfoca riba e Cancer number un, diagnostica na Aruba, cual ta e Cancer di cuero.

Cancer di Cuero tin un promedio di 109 caso cu ta wordo diagnostica tur aña di nobo. Ta pesey ta hopi importante pa trece e informacion na comunidad, con pa proteha nan mes y na ki momento tin cu bay dokter, ora cu ta mira cambionan riba e cuero.

Nos ta biba den un pais tropical, unda cu nos tin hopi solo y mas cu claro esaki ta haci influencia riba nos cuero. Nos tin cu proteha nos mes.

Departamento di Salubridad Publico ta pidi pa keda pendiente, unda cu den luna di Maart lo bay enfoca riba e importancia di riñon. Esaki en conexion cu Dia Mundial di Riñon.