Polis ta sospecha amigonan di a agredi nan amigo

102
ORANJESTAD(AAN): Den oranan laat di anochi Polis a wordo pidi pa un pelea formal banda di Tony Romas den parkinglot. Varios unidad di Strand Politie y tambe Noord a bay na e sitio. Ora cu nan a yega eynan a topa cu algun turista cu ta naci na Afghanistan.

Polis a reconocenan mesora tambe cu un rato prome nan tabata envolvi den un accidente banda di Moomba. Un di e turistanan tabata herida cu un sla basta fuerte na cabez y boca. Testigonan tambe a splica Polis un cu e otro tocante e agresion. Segun informacion cu Polis a haya, ora di e accidente un di e amigonan a puntra Polis si e mag dal su amigo cu a accidenta y sin cu e ta bay sera. Polis dimes a mustre cu esaki por causa su libertad. Asina mes finalmente e mesun amigo cu ora di accidente a pidi permiso pa agredi, ta esun cu a keda herida den e pelea banda di Tony Romas. E victima herida mes no ta corda nada. Polis a vigila e homber cu a menaza masha di cerca. A tuma nan declaracion. Segun nan a splica Polis cu nan a kita yabi for di e amigo pa e no bay cu e auto. Djey nan a bay para e auto mas leu y ora bolbe a haya e amigo  herida. Segun nan, e amigo a wordo bati pa grupo di homber y esun cu flannel blauw ta esun cu a dal y herida nan amigo. Polis no a topa e agresor. A puntra pa ambulance pero nan no kier paga 250 dollar. Asina mes Polis a constata cu e victima tabata tin sla cu ta pone medio lubida. Nan tabata bebi dimes pasobra ta riba un trip nan tabata. Nan a duna tur datos na Polis y nan a bin di Afhganistan. Nan tabata cu un muher tambe den auto cu ta Latino. Despues di atende cu e caso y nan a nenga finalmente yudanza , Polis a bisanan mesora cu si tin un problema mas, lo hiba nan sera.