Toine van de Donk: Ainda Aruba ta safe pa inverti

121
 ORANJESTAD(AAN): A mira cu trabounan cu a cuminsa den De La Sallestraat, na e compleho di apartamento cu awor ta den hopi mal estado. Pa hopi tempo el a bira un area cu a bira molester pa e vecindario pasobra e tin choller aden. Bisiñanan ta keha. Awor tin un persona cu tin un compania di inversion cu a dicidi di cumpra e localidad. E lo bay bira un Hotel Apartment luhoso.

Toine van de Donk ta e propietario di e compania di inversion. E ta conta cu edificio tin hopi aña para. E no a wordo bendi. E tabata ta para na benta cerca varios real estate. E tabata un proyecto perdi na banco hasta. Awor aki e compania di v/d Donk kier traha riba dje y tambe kier cumpra mas luga pa asina nan por renoba pa un proyecto den centro. A mira algun tempo pasa si esaki por ta algo. Despues di hopi deliberacion, toch a dicidi pa tuma e proyecto aki y a cuminsa un luna pasa cu e renobacion.  V/d Donk kier bay den detaye di e vecindario. Con esaki ta desaroya, mirando e structuranan di La Salle College y Universidad, cu e proyecto aki por pas cun’e. Tambe cu e hecho cu e tereno ta tereno priva. Kier haci algo pa e comunidad, pa asina e parti dilanti di e suites, tambe bira un tereno publico. Manera un tipo di park, cu cafe’s, no solamente pa huespednan cu ta biba den e apartamentonan pa haci uzo di dje, pero tur hende cu ta biba den e area por haci uzo di esaki.

 Compleho luhoso

E biaha aki a scoge pa haci e proyecto aki como uno themed. Esey kiermen cu henter e concepto, manera tipo kasteel, tempo cu e frere nan a bin Aruba pa asina funda e scolnan. Den e tempo ey ta bay bek, pero cu un bachi moderno. Esey ta consisti cu e nivel lo keda entre un 3 pa 4 strea, qua indicacion di hotel. Pa loke ta vivienda, cual ta un otro meta, pasobra nan kier pa hendenan keda bin den Playa, yama City Living, popular den otro paisnan na mundo. Ta apartamentonan hopi moderno y bunita di 50 meter cuadra, pasobra lo bay tin balcon parti patras, pa asina duna e bisiñanan e bentaha pa nan no wordo molestia pa esnan cu ta biba den e apartamento.

E aña aki e proyecto lo keda cla. A cuminsa cu e compleho mes, cual lo bay wordo renoba. Tambe e dak a wordo kita. E compania ta bezig cu 19 persona. E proyecto mester keda cla entrante 1 di October. Entrante e fecha eynan, hendenan por cuminsa biba y den e mesun periodo, e parti dilanti di e restaurant y park, lo bay keda cla pa mas of menos mey mey di November.

Promocion

Promocion ta andando. E website ya caba ta online pa un tempo caba. E pagina tambe Facebook ta on. Tur e logonan, tur cos a wordo haci caba. A traha duro for di aña pasa, pa asina no keda warda riba factornan externo.

Inversion na Aruba

E proyecto aki ta uno basta grandi. Toine v/d Donk a splica cu inverti den Aruba ainda ta sigur. Nan ta hopi contento cu nan por haci’e y sigur esaki no lo ta e ultimo proyecto. Den e otro paisnan, e ta hay’e asina atractivo. Tempo cu a bin Aruba, nan a evalua pa haci esaki akinan mes y a keda contento cu e resultadonan.

Fuera di e hecho cu Aruba naturalmente sigur na e momentonan aki ta un bon destinacion turistico y cu hopi posibilidad y ta birando mas druk. E return of investment a bira un poco mas facil, door di e mehoracion den turismo.

 Mas edificio

V/d Donk su compania tin mas luga cu nan a inverti aden. Nan a cuminsa cu dos edificio, pero a cay tiki atrasa. Awor aki nan a parti den varios seccion. Nan ta haciendo hotel, apartamento, clubs, varios bar. Nan ta ocupa cu varios proyecto. Nan tin 12 luga cu nan ta bezig cun’e actualmente, unda cu nan a inverti y ta invirtiendo.

 Cuanto hende

Awor aki nan tin directamente 60 empleado y indirectamente nan tin 40 hende trahando cu nan.

 Desde ki tempo

Tempo cu V/d Donk a cumpra su cas na 2013, e prome proyecto comercial tabata December 2014, mas of menos 3 aña leu.