Best in Business Award Aruba 2018!

¡Sea e mihor! ¡Y gana e premio di Guardian Group Fatum

109

ORANJESTAD– Debi na e desaroyo económico na Aruba, e empresanan ta obliga di keda constantemente den cambio. Esaki ta trece retonan continuo cual ta parti di hasi negoshi. E Guardian Group Fatum Best in Business Award Aruba ta reconoce empresanan cu ta capaz pa actua contra tur retoponiendo tur pasión pa alcansa excelencia, keda cu impulso pa innova y sigui traha duro pa e empresa crece y bira exitoso.E aña aki pa di dos biaha, Guardian Group Fatum lo otorga e premio di Best in Business Award Aruba 2018!

Tur empresario/compañía cu ta contribuyendo na e desaroyo económico di Aruba den un of otro forma ta wordo invita pa participa/registra na e Guardian Group Fatum Best in Business Award Aruba 2018. E mihor empresa/companía na Aruba ta gana un pakete atractivo di premios, 10.000 florin cash y mucho mas. Pero e mas importante ta: e reconocemento di tur su clientenan y un carga di “publicidad gratuito”. Con bo ta registra? fácil! y ta costa solamente 5 minuut di bo tempo. Bishita www.myguardiangroup.com y completa e formulario on line.

E fecha di deadline pa registra ta diadomingo 6 di Mei 2018. E cuestionario ta consisti di 15 pregunta y e ta na Ingles. E empresanan cu participa lo wordo evalua door di D & I Business Support Services a base di e modelo di Excelencia Empresarial, di acuerdo conforme e calidad di EFQM cu ta European Foundation for Quality Management. E 5 empresnan/companianan cu ta den e fase di mayor crecimiento lo continua pa e último tanda. E finalistanan lo wordo juzga door di un bishita personal na su empresa/compañía, un entrevista na radio y un presentación di su of nan empresa/compañía na un cuerpo di jurado profesional cu lo determina e ganador maximo.

E ganador di e premio Best in Business Award 2017 ta Sr. Diederik Kemmerling di The Lab-Grow Marketing Solutions E ganador di e Best in Business Award Aruba di Guardian Group 2018 lo wordo anuncia durante un coctail party diahuebs dia 28 di juni.