Boto illegal ta dal kibra na baranca y tur hende a disparce

84
ORANJESTAD,–Diaranzon a haya informacion cu tin un boto a bolbe yega tera den forma illegal.

Merdia a bin topa cu e boto di palo tur kibra patras di California Lighthouse y ainda esaki tabata drief y sutando contra di baranca. Poco poco el a keda kibra caba na nada.  No a topa cu ningun persona eybanda y tampoco hende ta drief den lama den cercania. A saca helicopter pa asina bay tira un bista toch riba lama pa wak si ta topa cu algun hende. No a topa nada. Kustwacht tambe tin atencion pa e situacion di ultimo simannan caminda cu botonan ta drentando na areanan unda tin blindspot pasobra ningun hende ta miranan. Mas bien den dia ora e botonan wordo haya na tera ta mira cu algo a bay robez y cu atrobe ilegalnan a yega tera. A yega e momento pa activa e personal di Polis, Douane y Kustwacht cu nan vehiculo cu tey caba desde gobernacion anterior y pone e vigilancia riba tera den forma continuo den oranan di marduga. E helicopter di Kustwacht cu a Sali atardi tampoco a topa cu algo robez.