Tin un crecemento di entrada na 2018 compara cu e aña anterior

67
 ORANJESTAD(AAN): Pa loke ta comportacion di pago di e clientenan, pa loke ta impuesto pa vehiculo di motor y e demas impuestonan, tin cu bisa cu luna di Januari ta cera. Awor aki ta cerando luna di Februari pa compara. Segun directora di Departamento di Impuesto, Luenne Gomez-Pieters, si compara 2017 cu 2018, tin un adelanto.

Den 2017, tur hende ta informa di e situacion di presupuesto, caminda cu tabata tin sigur un gap eynan den e loonbelasting cu BBO, cu tabata presupuesta na aanleiding di e reapertura di e refineria. Si e refineria no habri, bo no ta haya cu economia ta crece manera cu ta presupesta. Naturalmente entrada riba tereno di loonbelasting y BBO, cu ta wordo mas directamente afecta, door di e crecemento economico, tambe ta cay atras. Den e caso di 2018, no por papia ainda den detaye, mirando cu no tin un presupuesto 2018 aproba ainda pa parlamento, pero ta comparando si e cifranan pa loke ta 2017.

2018 compara na 2017 na entrada, ta mira un adelanto, si compara cu 2017. Semper ta e meta pa keda cumpli y pa mehora caminda cu tin cu mehora.

Riba e tereno di Loonbelasting y BBO, ta mira si cu tin un parti di non-compliance cu tin cu bay traha hunto cu e clientenan. Of e clientenan no ta compronde e secuencia di pago di haci aangifte of tin cierto clientenan ta dicidi deliberadamente pa no entrega nan aangifte y no haci e pagonan corespondiente.

Ta bezig ta sacando rapport for di e sistema y tin cu bisa cu e cifranan tin biaha ta alarmante, ora cu mira e non-compliance, cual ta clientenan cu a haya aangifte, pero no a entrega e aangifte, of nan a entrega aangifte y tin cu bisa 100 of tin cu paga 1000, pero a paga 500, of paga 200, nan no a paga e suma completo cu nan tin cu paga. Eseynan tambe ta clientenan cu ta cay bao di e categoria di non-compliance y ta clientenan cu tin cu atende cu nan, door di pone un naheffing cu boet.

Of clientenan cu ta uza e loonbelasting cu nan ta retene for di nan trahadonan pa cashflow di nan negoshi. Nan ta retene e loonbelasting y no ta draag E af na departamento di impuesto. Esey ta algo tambe cu no por y no mag a base di ley. E controle team di FIOD tin suficiente trabao pa haci riba e tereno aki. Departamento di Impuesto tambe tin un rol pa duna e informacion na esnan cu ta cuminsa un negoshi cu no sa ainda kico ta e tipo di impuestonan cu nan ta bay haya nan mes confronta cun’e. Un BBO, un Loonbelasting, un Winstbelasting, un Inkomstenbelasting, ki ora y ki tipo di belasting cu nan ta confronta nan mes cun’e. Ta un rol importante tambe di un departamento pa duna informacion. Pa guia e cliente riba e caminda cu e tin cu cana y pa esey, ta trahando conhuntamente cu Camara di Comercio, cu a duna cierto lezingnan, cierto informacion y nan mes lo tin nan propio planning pa aña 2018, pa duna informacion pa companianan cu ta cuminsando, contratistanan y na esnan cu tin necesidad. Por toca temanan comun pa un grupo unda cu por duna informacion y tur cliente ta informa.

E ta tuma dos banda. E ta tuma di e departamento pa informa y guia. E ta tuma di e cliente cu a haya e informacion cu sa kico e tin cu haci pa cumpli tambe. Na e momento cu no cumpli, tin reglanan den ley cu lo por saca cobransa cu boet y e por yega na consecuencianan, ta hopi mas severo caminda cu lo por pone beslag y bende propiedadnan di esnan cu no a cumpli.

Esey ta bira algo hopi fastioso. No kier yega na e punto ey, pero toch ta wak cu den practica tin cliente cu no ta interesa of no ta worry. Ta cambia na adres na Censo, pero no na Departamento di Impuesto.

Ta haci cierto cosnan pasobra sa cu na AZV tin cu cambia adres pa keda sigura, pero no ta bin schrijf uit e compania of cambia adres na Departamento di Impuesto pasobra no kier wordo haya of no kier haya cobransa of no kier haya e papel di impuesto pa yena. A drenta un area caminda nos tur lo mester bay atende cu e cosnan aki di un manera hopi serio, segun Gomez-Pieters.