Fiscal a duna multa na Marisol Tromp pa agresion contra Chris Dammers den Parlamento

90
ORANJESTAD,–E parlamentario Marisol Lopez Tromp cu ta sospechoso den e agresion contra ex Parlamentario Chris Dammers a acepta su culpabilidad.

Esaki a sosode den un tipo di hoor zitting di fiscalnan y abogadonan. Diaranzon mainta esaki a tuma lugar na Ministerio Publico.  Nos tin informacion cu ya caba dos siman pasa e ex Parlamentario Chris Dammers a haya carta unda a notifike cu e acusacion di Marisol Tromp contra Chris Dammers a wordo considera nulo. Esaki a base di e  investigacion haci pa recherché y tambe scuchando diferente testigo. Declaracionnan di Parlamentario Marisol Tromp a causa henter un bruhamento den e investigacion. Autoridad a constata cu e declaracionnan di e parlamentario Marisol Tromp no tabata cuadra. Sigur riba e agresion y e declaracion cu el a haci y scuchando tur testigo, ta conclui cu su declaracion no ta klop. Tur cos ta indica cu un declaracion falso a wordo haci.

Esaki tambe ta castigable pa ley. Semper ora tuma declaracion, nan ta puntra mesora si loke bo ta papiando ta berdad. Bo ta duna un declaracion contra un hende y si esaki ta falso nan por persigui abo mes. Autoridad semper ta avisa esnan cu bin entrega keho riba e parti aki.  Ta parce cu e parlamentario Marisol, e tempo ey presidente di Parlamento a monta un show contra Chris Dammers cu tabata e vice presidene. E cos a pasa den sala di Parlamento den presencia di mas Parlamentario.  Despues di presenta diaranzon mainta dilanti fiscal y abogado, na dado momento Parlamentario Marisol Tromp por a escohe unda e kier a bay. Tabata tin basta peso contra dje si e caso mester a wordo presenta dilanti huez pa wordo trata. Aki mesora e parlamentario a acepta e culpabilidad y mesora fiscal a impone un multa di 400 florin. Tambe fiscal a pone condicionnan unda Marisol Tromp mester comporta su mes, pa dos aña, sino e caso lo wordo presenta ainda den corte contra dje. Eynan e por bira peor pe. Den e caso di e casa mes, no a cay multa pero tambe den e lapso di dos aña e mester comporta su mes y wak pa e no haya su mes den situacionnan similar, sino tambe por core risico di wordo persigui pa husticia pa e caso aki.