Derota pa Vurnon Anita i Leeds United

Den Championship di futbòl ingles

70
Vurnon Anita.
INGLATERA—Vurnon Anita a inisiá i a hunga kompletu, pero no por a evitá ku su ekipo a sufri derota den Championship di futbòl ingles ayera.

Tereno di bala di Deepdale, unda tabatin 14.188 fanátiko presente, tabata esenario, pa e partido aki, unda e ekipo di Anita, ku ta Leeds United, a topa ku e ekipo di Preston North End i mester a konformá ku derota ku skor di 3-1.

Un ke otro, despues ku e parti inisial di e wega a transkurí, ku e ekipo di Leeds United i Vurnon Anita, den bentaha mínimo.

Sinembargo nan no por a kontené esaki i ta mira ku nan kontrinkantenan ta reakshoná ku 3 gol den e parti komplementario, pa asina e partido finalisá ku skor di 3-1.