Gino van Kessel a hunga den último 2 minüt di wega

Su ekipo a pèrdè ku skor mínimo na Inglatera

50
Gino van Kessel.
INGLATERA—Gino van Kessel a hunga apénas 2 minüt den derota di e ekipo di Oxford United, den League 1 di futbòl ingles ayera.

Tabata den wega unda ku nan a enfrentá e ekipo di Fleetwood Town i a kai vensí ku skor mínimo di 1-0. E partido aki a hunga den stadion Kassam, dilanti di 6.337 fanátiko, unda na sosiegu ainda no tabatin gol.

Gino van Kessel, kende ta tambe atakante di nos ekipo nashonal di futbòl, a inisiá wega komo suplente i a drenta na minüt 88, pa asina hunga durante di e último 2 minütnan di e wega, unda nan mester a konformá ku e derota.