Wild Cats ta logra su di 2 triunfo di temporada

Ku nokout di 14-1 riba Marchena Braves ayera

154
Akshon na plato durante di e wega.
WILLEMSTAD—E aktual kampionnan di beisbòl AA lokal, Wild Cats, ayera a logra nan segundo triunfo di kampionato 2018. Esaki den wega ku a mira akshon den Stadion Johnny Vrutaal na Rif, unda nan a nòkout e ekipo di Marchena Braves ku skor di 14-1.

E pushinan brabu a anotá na 14 okashon, konektando 16 hit i a hasi 1 eror. Ruderly Manuel, kende a inisiá i a tira 5 entrada kompletu a gana. Levi Carolus a konektá un homerun pa e ganadónan.

Pa e ekipo pèrdèdó, 1 kareda, ku 3 hit i 4 eror. Shurendy Mariano, kende a habri i tira dos entrada a sufri e derota, den wega ku a hunga 7 entrada.