Avianca lo hasi 11 buelo pa siman pa Kòrsou for di Colombia

48
Willemstad,– Kuminsando 3 di ougùstùs próksimo e aeroliña kolombiano Avianca, lo oumentá su servisio ku aktualmente ta konsistí di 7 buelo pa siman for di Bogota. For di 3 di ougùstùs próksimo, Avianca lo ta ofresiendo un total di 11 vuelo pa siman for di e kapital kolombiano.

E informashon aki a keda suministrá pa e Ofisina di Turismo di Kòrsou (CTB), E Atministrashon di aeropuerto di Kòrsou (CAP), Curacao Airport Holding (CAH) i e Asosashon di hotèlnan i di Turismo di Kòrsou (CHATA).

E vuelonan direkto for di Bogotá pa Kòrsou lo ta riba e dianan Djabièrnè, djasabra, djadumingu i djaluna i lo sali Bogota 7:57 a.m. i yega Kòrsou 10:52 a.m.

E vuelonan aki lo ta sin eskala i ta duna e pasaheronan ekselente posibilidatnan pa konektá ku mas di 108 destino di Avianca den 26 pais. Adishonalmente, e servisio aki di dos biaha pa dia lo habri mas posibilidat pa nos aki na Kòrsou por amplia nos partisipashon den e merkado i asina trese mas bishitante, spesialmente for di Brasil, Ecuador, Argentina, Chile i otro paisnan.

E aeroliña di bandera kolombiano a informá tambe ku kuminsando 17 di yüni próksimo, e vuelonan lo ser operá for di Bogota ku un Airbus 320 kual ta duna un kapasidat semanal di 350 stul.