Tin un kambio aki

Awor NESCAFE ta bin den bòter pero ku mes un sabor di semper

128
Pa dékadanan largu nos grandi a disfrutá di Kòfi  NESCAFE.  

WILLEMSTAD,—-Den kasi tur kas rònt Kòrsou mainta ta kuminsá ku e zonido di un bleki di NESCAFE Colombian Blend ku ta wòrdu habrí i nos yunan di Kòrsou ta disfrutá di nan kòpi di kòfi. Nos por bisa ku kòfi NESCAFE ta di Kòrsou. E bleki di NESCAFE Colombian Blend ta un tradishon den kada kas i den nos bida ku durante e delaster 80 anan nan ta dunando nos un dushi aroma, sabor i kalidat di kòfi pa saboriá.

Awor e sabor di NESCAFE Colombian Blend ku tantu nos gusta ta bini den un bachi nobo ku a bira un bòter di glas. E glas aki ta mihó pa nos medio ambiente debí ku fásilmente lo por resiklá esakinan.

Pa selebrá e kambio aki djasabra 12 di mei último distribuidor di NESCAFE, Martijn Trading, a organisá un mainta na Wilhelminaplein den Punda kaminda un i tur por a pasa pa sera konosí ku e bòter di glas di NESCAFE Colombian Blend i disfrutá di un kòpi di kòfi i un pasapalu.

Tambe tur hende por a trese nan etikètnan di bleki ku semper nan tabata spar pa kambia esaki nan pa asina nan risibí nan bòter di glas di NESCAFE Colombian Blend grátis. Tambe tabatin e oportunidat pa tira e etikètnan ku a sobra den un buzon ku chèns pa gana diferente premionan di sèn kèsh.

Tabata un mainta hopi agradabel i dushi ku animashon musikal di Norman Moron & Friends ku a sa di entretené tur ku tabata presente. Esaki sigur a trese hopi moveshon den Punda. Martijn Trading ke yama danki na tur ku a bini na e selebrashon di NESCAFE Colombian Blend su bòter di glas.