Segun Yamil Lasten:

Curoil tin reserva ku por wanta 2 pa 3 luna

1854
Yamil Lasten di CUROIL
WILLEMSTAD—Sr Yamil Lasten kende ta direktor di Curoil tambe a para ketu na e plan di kontigensia ku tin riba mesa for di 2014.

Ayera el a trese pa dilanti ku nan ya tabatin akuerdo ku Red Majesty pa entrega ku tin di ser hasi na nan. Ta asina ku e barku lo trese 1.4 mion bari. Segun Sr Yamil Lasten ta asina ku lokual ku nan a kumpra por wanta nos 2 pa 3 luna. El a indiká bon kla ayera ku pa lokual ta trata e asuntu di preis ku lo por subi debí na e situashon ku esaki no ta bai asina asina. El a indiká si ku ta BTP&U ta esun enkargá pa lokual ta trata stipulashon  di preisnan.

E di ku no por bisa adelantá ku e tarifanan lo subi ni baha. Si el a indiká ku tin 3 komponente ku tin di tene kuenta na momentu ku ta stipulá preis. E prima ku tin di paga riba loke kumpra na PDVSA i tambe e preis riba merkado internashonal. Huntu kuné e gastunan mara na Curoil su operashon.  Si el a duna un indikashon ku na e momentunan aki e preis pa bari ta 75 dòler, kua ta nifiká ku nos lo por konosé oumento dje tarifanan.