Djasabra awor

E promé One Women Show di Cynthia Martina den Zona Kultural

169
E ta bèk despues di dos aña.

WILLEMSTAD,—-Despues di dos aña e popular komediante Cynthia Martina ta bèk den un One Women Show. Esaki ta bai tuma lugá djasabra awor den Zona Kultural kaminda ku ántes tabata Teater Luna Blou. Di informashon ku a drenta ta bisa ku, Cynthia lo bai imitá 9 persona ku nunka ántes promé e no a yega di imitá.

Den e 9 persona nan Cynthia ta bai imitá e Dama di Aruba ku Clarita ku aña pasá tabata tópiko di kombersashon nan Aruba. Tambe e artista ta bai den pasado i kana bin den presente i asta e ta riska di bai den futuro. Cynthia na e momentu nan aki ta den gran forma, despues ku e la bin for di Colombia kaminda ku e la bai hasi operashon na su kurpa. Cynthia a drecha su kurpa asina bon ku unda ku e yega tur hende ta keda boka habri.

Djasabra awor ta un bon chèns pa esun nan ku tin algun tempu sin wak Cynthia por bai wak e den su promé One Women Show despues di dos aña. Cynthia Martina ta bai presentá ku e mes un tim ku e la traha kuné semper, esta ku Hubert “Juni” Aniceta na kabes. Por sierto nos tin ku bisa aserka ku ta Juni ta esun ku a hinka henter e show aki den otro. Pues djasabra awor e artista Cynthia ta bai presentá den Zona Kultural.