Pa promé biaha den historia

Mundu di Urban ta bai bira loko paso G BRO ta bai topa ku GRIFT

162
Nan dos ta presentá riba mes anochi dia 30 di yüni.

WILLEMSTAD,—-Djasabra 30 di yüni mundu di Urban na Kòrsou ta bai bira loko, loko. Paso pa promé biaha den historia ku G BRO ta bai topa ku GRIFT. E evento aki ta bai tuma lugá den Club 1850. Pa loke ta trata e artista G BRO esaki ta bin presentá despues di 1 aña ku e no a presentá.

E artista GRIFT esaki lo bai ta su promé presentashon den mundu di Urban. Pa e anochi en kuestion lo bai tin artista nan manera Cachi Bart, S.M.C. GIO Boosie, Dread Krullen. Tambe lo bai tei Dj TAY-T, Dj Jowie i Dj Trgxz.

Tur e artista nan aki bou di un dak. Esaki nunka ántes promé a yega di tuma lugá den género di Urban na Kòrsou. Ya na algun okashon ‘E Mulina’, a bin ta bisa ku, e género ku mas ta dominá den nos farándula lokal na e momentu aki ta e género musikal di Urban, i esaki ta loke ku ta pasando tambe.

Pues dia 30 di yüni ta “All In WhiteGucci Ediotion” ta e fiesta di Urban ku ta bai dominá e kaya. Kòrda ku ta pa promé biaha ku G-BRO ta bai presentá huntu ku GRIFT. Esaki sin duda ta kos pa bai mira, paso tantu G-BRO i GRIFT tin piesa nan ku ta duru pega bou di e género di Urban. E evento ta tuma lugá den Club 1850 na Skalo.