E biaha aki el a bisa ta pa e bai hasi un operashon....

Pa di tantísimo biaha dama ta kai den man di hustisia pa droga

259
WILLEMSTAD,– E dama M.C. di 54 aña a presentá dilanti wes ayera pa un  kaso unda e mester a trata na biaha ku droga den su poseshon.

Tabata 12 di aprel aña pasá ku mester a gara e sospechoso ku kier a biaha ku droga den su poseshon. A bin top’e ku un kantidat di 550 gram di kokaina, miéntras tambe e tabatin 70 gram di mariwana.

El a bisa di ta atmití ku e tabatin droga den su poder. Tambe el a splika ku ta problema finansiero, esta algun debe ku e tabata a pone ku el a bai kometé e akto. El a splika ku awa na wowo ku awor si e ta bai stòp ku e kosnan aki, miéntras tambe el a bisa ku e ta dispuesto na traha.

El a splika wes ku ta su edat i karchi kastigu ta pone ku e no por haña trabou.

Fiskal a hasi un petishon di 10 luna di prizòn kondishonal, ku 3 aña di prueba miéntras tambe el a pidi guia di reclassering pa e sospechoso. El a pidi un kastigu di trabou di 180 ora pa e sospechoso, mirando su edat.

Mr. Paulides a bisa ku e ta haña fiskal a hasi un petishon ku ta kuadra, unda el a bisa di ta bai di akuerdo ku esaki.