Segun Premier Eugene Rhuggenaath:

Refineria Isla a garantisá salario di su trahadónan

158
reda di Prensa: Ayera a sosodé algu no usual, pero mirando e  situashon e aktornan mester a Sali pa trankilisá e pueblo di Kòrsou.Ta asina ku Refineria isla tin kapasidat pa prosesá 350 mil bari di krudo pa dia aportando kasi 10% dje Produkto Brutu Interno di Kòrsou suministrando kombustibel na e pueblo i embarkashonnan ku ta yega
WILLEMSTAD— For di den nos promé edishonnan nos a mustra riba e echo ku Conoco Phillips lo bin pone beslag na Kòrsou tambe riba stòk di PDVSA. Manera ta konosí Conoco Phillips a gana un kaso di arbitrahe na rason di 2.6 miar dòler pa kua nan a pone beslag riba stòk di krudo di PDVSA na tantu Boneiru komo Sint Eustatius, na Aruba i aki na Kòrsou. Tur esaki ta konsekuensia dje echo ku na 2007 eks presidente Hugo Chavez a ekspropiá Conoco Phillips kende a kana su kaminda legal i gana den arbitrahe.

Pa sr Eugene Rhuggenaath un posibel situashon  di interupshon di operashon di Refineria Isla lo ta devastador pa nos ekonomia i parti sosial. Lokual ku dado momentu tabata preokupashon di sindikatonan tabata kon sigur e pago dje trahadónan. Den e rueda di prensa di ayera Premier Sr Eugene Rhuggenaath a indiká ku el a papia ku esnan di Refineria Isla kende a garantisá ku e trahadónan no mester preokupá nan mes debí ku nan lo risibí nan pago normal. Pa lokual ta trata e punto ku na Venezuela nan ta hungando ku e idea pa likidá PDVSA el a duna di konosé ku nan a pone na altura ku lokual ta sirkulando no ta kuadra ku bèrdat.

El a para ketu riba e punto ku lokual tin riba mesa awor aki ta derden beslag. El a mustra riba e echo ku esaki ta e aspekto hurídiko ku tin di keda respetá. El a  suprayá riba e punto ku nan tin kontakto ku e ekipo legal di Conoco Phillips ubika aki nan, pero tambe a buska pa hasi esaki ku PDVSA i pone nan na altura ku nan lo pone e kompania merikano na altura dje echo ku Kòrsou ta kla pa mustra su boluntat pa por wak kiko e pais por nifiká den e situashon ku a surgi. E ta kosiente dje impakto sosio ekonómiko ku Refineria Isla tin pa ku Kòrsou.

Relashoná ku lokual ku ta pasando el a indiká ku ta for di 2014 a lanta un Task Force di Energia i ku aña pasa a reaktivo esaki bek, Komo Promé Minister el a pidi e pueblo di Kòrsou pa keda trankil, paso komo Gobièrnu di Kòrsou, nan tin tur kos bou di control.   Ta asina ku den kuadro dje irealidatnan Gobièrnu di Kòrsou ta para na e posishon pa kumpra kombustibel riba e merkado internashonal komo parti dje plan di kontigensia, segun Sr Eugene Rhuggenaath.