Farándula tin dos promotor nobo

Ta trata aki di Vladimir Ig i Stanley Cofie

108
Nan ta kla pa kuminsá organisá fiesta na Kòrsou. 

WILLEMSTAD,—-farándula di Kòrsou ta di fiesta, paso awor e por konta ku dos promotor nobo. Ta trata aki di Vladimir Ig i Stanley Cofie ku ta dos hóben, ku pa hopi tempu tabata move tras di kortina. Pero ku awor nan mes a disidí di bin dilanti.

Esaki ta nifiká ku den futuro serkano Kòrsou ta bai tende hopi di “King Events”, paso esaki ta e nòmber ku e dos hóben nan ta bai move bou di dje. ‘E Mulina’, tin informashon ku otro luna Vladimir i Stanley bou di “King Events” lo bai tin nan promé aktividat.

Nan promé aktividat lo bai ta un fiesta di Urban, kaminda ku pa promé biaha nan ta bai uni algun artista den género di Urban huntu. Esaki ta nifiká ku lo bai tin mas fiesta den género di Urban na kaminda. Tambe e dos hóben promotor nan aki lo bai organisá fiesta den género di Ritmo Kombiná.