Selekshon futbòl dama a yega Antigua bon

Mañan 4’or nos ta enfrentá St. Lucia

92
E di 2 parti di e delegashon futbol dama ku a biaha pa Antigua.
ANTIGUA—E di 2 parti di e delegashon di e selekshon futbòl dama lokal a sali ayera pa Antigua. Esaki despues ku tabata djadumingu ku e promé parti a biaha.

Miéntras tantu tur hende a yega bon i mañan djarason dia 23 mei 2018, pa 4’or atardi, Kòrsou lo hunga su promé wega, enfrentando St. Lucia. Seguidamente djabièrnè awó, pa mitar 7 anochi, nos ekipo lo topa e ekipo di kas, pa finalmente djadumingu, pa 4’or atardi enfrentá St. Vincent. Ta trata aki di enkuentronan bálido pa e promé buèlta klasifikatorio pa mundial, ku lo tuma lugá otro aña na Fransia. E ekipo lokal, ta bou di direkshon di Christopher Jacobus, kende ta konta ku asistensia di Andreas Aitatus.