Komo partner eksklusivo pa sigui negoshá

InselAir a selektá One Laser Group LLC

343
Insel Air ta bai hala rosea ku yegada di One Laser Group.
Willemstad,– Minister pa desaroyo Ekonómiko Dr. Steven Martia a anunsiá ku InselAir i Gobièrnu di Kòrsou a selektá ONE Laser Group LLC, un kompania establesé na Miami, FL, USA riba un base eksklusivo, pa bira Partner stratégiko pa nos kompania lokal.

One Laser Group LLC a keda selektá dor di InselAir for di e diferente kompanianan ku for di inisio tabata interesá i a posishoná nan mes komo un partner potensial  ku lo invertí i sostené InselAir den nan plannan di ekspanshon i ampliashon di nan flete di forma ku por garantisá eksistensha di e kompania. Ámbos kompania tabata den deliberashonnan pa e último 4 lunanan i ta firme riba e kaminda pa realisá plannan riba tèrmino korto, i tambe plannan ku ta riba término mas largu i asina konstruí e brùg pa ekspanshon di InselAir.

E dos partidonan a pone un meta pa realisá e akuerdo final riba un término korto, preferibel promé ku fin di ougùstùs.

One Laser Group LLC (OLG) ta konsistí di un grupo di kompania establesé na Florida, USA ku ta aktivo den un variedat di industria, inkluyendo karga aéreo, suministro industrial, logístika, alimentashon,  remedi i tambe suministro na industria petrolero. E propietarionan di OLG tabata enbolbí den pasado kaba direktamente ku maneho di aeroliña.