Algu históriko pa Kòrsou i mundu deportivo

Bandera di Kòrsou a subi den Weganan Sentro Amerikano i di Karibe

175
WILLEMSTAD—Ayera djaweps 19 di yüli 2018, tabata un dia históriko pa Kòrsou. Riba e dia aki bandera di Kòrsou a subi pa promé biaha den Weganan Sentro Amerikano i di Karibe, den esaki su di 23 edishon na Barranquilla, Colombia.

Kòrsou su debut na e weganan aki, ta konta ku partisipashon di 45 atleta repartí den 9 disiplina di deporte, kua nan ta sòftbòl, siklismo, taekwondo, karate, vòlibòl di playa, tènis, bela, atletismo i natashon.

Na e okashon aki, tabata presente nos minister di Enseñansa, Siensia, Kultura i Deporte, sra. Marilyn Alcalá-Wallé, kende tabata hopi emoshoná ku e akto aki. Huntu kuné, tabat’ei presente tambe presidente di FDOK, sr. Jean Francisca i hefe di mishon, sr. Ruthsel Martina.•