Icho Monte tambe ta forma parti di Legends Of The Game

1136
E ta ku Lagends Of The Game temporada di Karnaval.

WILLEMSTAD,—-Moveshonnan ta sigui tuma lugá den nos farándula lokal. Ya for di ayera nos a bisa ku otro aña grupo Estreno Mas Pikete ta bai karnaval ku un banda nobo ku su nòmber ta Legends Of The Game, nos tin ku bisa ku e informashon en kuestion a lanta masha hopi stof, tantu aki nan i na Hulanda.

Di informashon ku a drenta serka di ‘E Mulina’, ta bisa ku e popular kantante Icho Monte tambe ta forma parti di e banda Legends Of The Game. E banda en kuestion aki ta bai konta ku algun músiko hopi konosí den nos farándula.

Otro informashon ku nos tin rondó di e agrupashon ta bisa ku, nan lo bai tin algun presentashon den luna di desèmber. Den otro palabra nos tin informashon ku e banda lo ta bai hasi nan debut den nos farándula den luna di desèmber.

E informashon en kuestion aki ta duru skondí di parti kabesantenan di e agrupashon musikal Legends Of The Game. Pero pa ‘E Mulina’, ta hopi difísil pa e informashon aki keda skondí . Pues ta temporada di Karnaval 2019 Icho Monte ta ku Legends Of The Game.