Liña tira den awa di Orkesta Vega i Dolce Banda

114
Tin liña tira den awa di su agrupashon musikal.

WILLEMSTAD,—-ketu bai tin masha hopi moveshon mes ta tumando lugá den nos farándula lokal. Di informashon ku a drenta na mesa di redakshon di ‘E Mulina’, ta bisa ku, na e momentu aki tin liña fuerte tira den dos agrupashon musikal.

Ta trata aki di Dolce Banda i Orkesta Vega. Nos tin informashon ku asta tin kombersashon nan ta tumando lugá. Di informashon ku ‘E Mulina’, tin ta bisa ku e liña ta tira riba un kantante i un músiko, ámbos ta hopi popular.

‘E Mulina’, tin nòmber di tantu e kantante i e músiko en kuestion, pero pa no stroba nada di loke ku ta tumando lugá na e momentu aki, nos tin ku wanta un ratu pa menshoná ámbos nòmber. Un kos si ta sigur, i esaki ta si dado kaso ámbos artista hap riba e as esaki sigur ta bai bira otro zèt grandi pa loke ta trata 2018.

Aparte di e dos moveshon nan aki, tin mas moveshon grandi na kaminda. Nos a bin ta bisa for di na final di 2017 ku den 2018 lo bai tin masha hopi moveshon den nos farándula lokal. I esaki ta loke ku ta pasando tambe, i esaki ta konta den diferente gerente musikal. Un konseho ‘E Mulina’, tin pa tantu Sherel Semeleer i Clepo Martina pa nan tene nan wowo bon habri durante di e dia nan aki.