Ocho persona indokumentá arestá den un kas na Nestorweg

245
Willemstad—- Personal di imigrashon huntu ku Polis a tene un entrada hudisial den oranan di mainta trempan den un kas na Nestorweg unda a haña e informashon ku mester tin personanan indokumenta ta biba.
E kas na Nestorweg unda a bai pa hasi investigashon di persona nan indokumenta ku ta kedando riba nos Pais.

Ayera den oranan di mainta trempan personal di imigrashon huntu ku Polis a bai na un kas den Nestorweg pa asina hasi investigashon despues di a haña e informashon ku den e kas mester tin un kantidat di personanan indokumenta ta biba. A yega na e kas i mesora a rondoná e kas pa asina por a drenta den esaki. Ora ku e habitantenan den e kas a ripara ku tin polis nan a trata di kore  bai pero a keda arestá debí ku na tur huki tabatin polis stashoná.  Durante investigashon den e kas a logra di detené no ménos ku ocho persona ku na e momento ei no por a mustra nan dokumentonan ku nan ta kedando di un forma legal riba nos Pais. Tur a keda transportá pa e departamentu di imigrashon na unda e investigashon lo bai kontinuá.